Chef Boy Logro may inamin tungkol sa 'My Husband's Lover'

Umamin ang lovable chef at host ng “Kusina Master” na si Chef Boy Logro na maging siya ay nahu-hook na rin sa pinag-uusapang primetime series na “My Husband’s Lover.”
 
Sa taping ng kanyang birthday week special sa “Kusina Master,” ikinuwento ni Chef Boy sa kanyang guest na si Kuh Ledesma na siya ay nanonood gabi-gabi ng “My Husband’s Lover,” kung saan kabilang sa cast si Kuh.
 
Sa katunayan, ni-request pa ni Chef Boy kay Kuh na kantahin ang kanyang kanta na “One More Try” na ginagamit na theme song sa nasabing serye. Sinabi pa ni Chef Boy na noon pa man ay humahanga na siya sa galing sa pag-awit ni Kuh at pinanood umano niya ang isa sa mga concerts ng singer-actress noon.
 
Samantala, simula Lunes ay mapapanood ang birthday week special ni Chef Boy kung saan limang espesyal na episode ang kaniyang inihanda.  Hindi katulad ng karaniwang episode ng show, may halong pagkakawang-gawa ang gagawin ni Chef Boy sa kaniyang birthday week. 
 
Sa Monday episode, tutulungan ni Chef Boy na matupad ang pangarap ng isang batang ni minsan ay hindi pa nakapag-celebrate ng kaniyang birthday.  Ipagluluto niya ito ng espesyal na spaghetti at may sorpresa pa siyang ihahain na magpapaiyak sa bata. 
 
Sa Martes naman, isang mag-asawa ang tutulungan ni Chef Boy na magkaroon ng isang espesyal na renewal of vows.  Bukod sa ipagluluto sila ni Chef, may complete set-up pang ihahanda ang host para matupad -- on the spot -- ang pangarap ng mag-asawa.
 
Sa Wednesday episode, isang househusband naman ang tuturuan ni Chef Boy ng iba’t ibang potahe na maari nitong ihanda para sa kaniyang mga anak. Magiging emosyonal ang guest ni Chef Boy ‘pag inilabas na ng host ang isang mahalagang regalo para sa kanyang guest. Ano kaya ito?
 
Sa Thursday episode, isang mahirap na lola na nabubuhay sa pagtitinda ng pagkain ang bibigyan ni Chef Boy ng isang food cart at tuturuan ng iba’t ibang kakaibang technique sa pagluluto.
 
Sa huling araw ng kanyang birthday week, si Chef Boy naman ang sosorpresahin ng show dahil magbibigay-pugay sa kanya ang mga taong malapit sa kanyang puso. May makakausap din siya na magpapaluha sa kaniya. Sino kaya iyon?
 
Abangan ang birthday week special ni Chef Boy Logro sa “Kusina Master” simula ngayong Lunes, July 8, 10:00am sa GMA-7.
 
- Neil Celeste Rara, GMA Social Media


 Go To Comments