Si Kris Bernal na raw ang itinututing na Primetime Princess ng Kapuso network dahil sa sunud-sunod na big roles na ibinibigay sa dalaga, ang latest nga ay sa bagong primetime telefantasya na The Last Prince. First week pa lang daw ay mataas na ang ratings nito. Nagkaroon ng chance ang Tweetbiz na kunin ang reaksyon ni Kris tungkol dito. Sinabi niya sa interview na sobrang flattered daw siya na ganito na ang tingin sa kanya ng mga tao. Nagpapasalamat din siya sa GMA sa tiwalang ibinigay sa kanya at sa ka-loveteam niyang si Aljur Abrenica. Samantala, bulung-bulungan na may namumuong pag-iibigan daw sa pagitan ni Kris at ng isang Bandaoke band member na si Jay Perillo. Diumano’y nanliligaw na raw ang singer sa young actress. Madalas daw makita na nagde-date at nagpapa-sweet ang dalawa simula pa noong New Year’s Countdown ng GMA. Pero, mariing pinabulaanan ni Kris ang tungkol dito. Ayon sa young actress, marami silang kasama kapag lumalabas at wala naman daw namamagitan sa kanila. Magkaibigan lang daw sila. Nakuhanan naman ng reaksyon si Aljur sa isyung ito. Ayon sa young actor, wala naman daw siyang naririnig tungkol dito. Hindi naman daw niya masisisi si Kris kung maraming nagkakagusto sa ka-loveteam dahil maganda raw ito at mabait. Mayroon pa nga raw ibang mga binata na lumalapit sa kanya at nagpapaalam kung pwedeng ligawan ang kanyang ka-love team na si Kris.-- Tweetbiz TWEETBIZ airs from Monday to Friday, 7:00 p.m. on Q Channel 11.