Zoren and Carmina talk about wedding proposal plans at ang kanilang ideal wedding. Text by Karen de Castro. Photo by Mitch Mauricio. Kitang-kita sa kanilang show na Love ni Mister, Love ni Misis kung gaano kaganda ang relationship ng real-life partners na sina Zoren Legaspi at Carmina Villaroel. Palagi silang tinatanong kung kailan nila balak gawing official ang kanilang pagiging mister at misis, and not too long ago, nang pa-umpisa pa lamang ang kanilang talk show, ay nakita ng mga press sa kanilang press con kung paanong nag-propose si Zoren kay Carmina. Dito ay pinag-usapan din nila na may balak na talaga silang magpakasal. Before the wedding ba ay may plans si Zoren to propose formally kay Carmina? “Given na kasi yun, na pag nag-propose naman ako, sigurado na sasagutin ako. So proposal, hindi pa talaga,” says Zoren. “Pero yung mga dates, napag-uusapan na yung mga dates nung nakaraan.” Kung paplanuhin naman kaya niya, ano kaya ang plan ni Zoren na gawin for Carmina? “Siguro a very romantic dinner, yun ang hindi namin nagagawa bago [mag-propose],” he reveals. May mga natatanong ba ang kanilang mga kids tungkol sa kanilang relationship? “Wala. Kasi siguro parang buong-buo e, so parang they never ask. And so hindi rin naman kami nagsisinungaling kasi they never ask,” sagot ni Carmina. “So ito, pag dumating yung ano, yung kasal, o ano, e di [ayun].” Ngunit alam na ba nina Maverick at Cassandra ang tungkol sa kanilang balak na magpakasal? “Hindi sila aware e,” answers Zoren. Dagdag naman ni Carmina, “’Di ko alam e. Hindi e. Hindi sila aware kasi nga parang siguro we are so complete and we don’t feel incomplete.” Parehas nilang gustong maganap ngayong 2010 ang kanilang wedding. Anong klaseng wedding naman kaya ang kanilang gusto? “Wala lang. ‘I do. I do. O umalis na kayo.’ Formality’s sake lang,” shares Zoren. Ganoon din ang pahayag ni Carmina. “Wala lang. Ako I don’t want it to be.. Kung puwede nga lang, sa bahay lang. Parang civil [wedding] lang. I want it to be really simple. Buong pamilya lang nandun, okay na. Hindi ko kailangan ng magarbo.” Pag-usapan sina Zoren at Carmina sa mas pinagandang iGMA.tv Forum! Not yet a member? Register here!