MAGPAKAILANMAN presents “Child Rape Video Scandal” | GMANetwork.com - Entertainment - Home of Kapuso shows and stars - Articles

Ano ang gagawin mo kung matuklasan mo na ang anak mo ay ginahasa? Paano kung malaman mo na ang gumawa nito ay ang taong pinagkatiwalaan mong magliligtas at magpo-protekta sa kanila? Ito ang mga katanungang hinarap ni Jessa Aquino, hindi niya tunay na pangalan, nang magsumbong ang kaniyang mga anak na ang panganay nilang kapatid ay ginalaw--ng sariling ama!

MAGPAKAILANMAN presents “Child Rape Video Scandal”

Disclaimer: Due to the nature of the content of this Saturday's episode of Magpakailanman, names and locations have been changed to protect the identity of the case study.
 
Ano ang gagawin mo kung matuklasan mo na ang anak mo ay ginahasa? Paano kung malaman mo na ang gumawa nito ay ang taong pinagkatiwalaan mong magliligtas at magpo-protekta sa kanila? Ito ang mga katanungang hinarap ni Jessa Aquino, hindi niya tunay na pangalan, nang magsumbong ang kaniyang mga anak na ang panganay nilang kapatid ay ginagalaw--ng sarili nilang ama!
 
Hindi bago kay Jessa ang sexual abuse. Bata pa lamang siya ay namulat na siya rito nang galawin siya ng sariling tito. At ang masakit pa ay, nang magsumbong siya sa ina ay hindi siya pinaniwalaan nito. Pinagbintangan pa siyang gumagawa lang ng kuwento.
 
Kaya nangako si Jessa na kapag siya ang magkaroon ng pamilya, hindi niya hahayaang mangyari ulit 'yon.
 
Nang mabuntis si Jessa, hindi niya alam ang gagawin niya. Huli na nang malaman niyang pamilyado na ang ama ng kaniyang magiging anak. Masakit man ay pinakawalan niya ang lalaki sa responsibilidad nito sa kaniya.
 
At saka naman niya nakilala si Angelo--ang kaniyang naging guardian angel sa mga panahong nangailangan siya ng kalinga at pagmamahal. Kahit na magkakaanak sa ibang lalaki, naging buo at totoo ang pag-ibig ni Angelo para kay Jessa. At inakala ni Jessa na magiging maayos na ang buhay niya.
 
Pero ang pangalan ni Angelo ay tumutukoy lang sa kaniyang maamong mukha. Dahil matapos silang ikasal ng lalaki, nakilala ni Jessa ang tunay nitong ugali: tamad at palaasa, na ang pakialam lang ay ang kapakanan ng sarili.
 
Ang hindi alam ni Jessa ay may mas matindi pang gagawin si Angelo sa buhay niya.
 
Isang araw, magugulat na lang si Jessa nang salubungin ng mga anak para isumbong ang pinagagawa ng ama sa kanilang panganay na kapatid--ang pag-perform ng sexual acts na pinanunuod ng ama sa mga porn sites na pinupuntahan sa internet!
 
Windang si Jessa. Hindi nito matanggap na ang nangyari sa kaniya noon ay nangyayari ulit!
 
Paano haharapin ni Jessa ang bagong dagok na 'to sa kaniyang buhay? Ano ang kailangan gawin ng kaniyang mga anak para maniwala siya sa kanilang paratang? Magagawa ba niyang talikuran ang lalaking minsan niyang naging tagapagtanggol para sa kapakanan ng anak?
 
Alamin ngayong Sabado sa pangalawang Mother's Day presentation ng Magpakailanman, sa natatanging pagganap nina Angelu de Leon at Kyle Ocampo, sa ilalim ng magaling na direktor na si Laurice Guillen; sa panulat ni Senedy Que, hango sa research ni Karen Lustica.
 
Magpakailanman presents "Child Rape Video Scandal," ngayong Sabado pagkatapos ng Vampire ang Daddy Ko