Around GMA

Article Inside Page

Bukod kay Georgia, kinaiinisan din si Selma sa country’s top daytime drama na Ika-6 Na Utos. Ginagampanan ito ng Kapuso actress/host na si Arianne Bautista.

Sa eksklusibong nakapanayam ng GMANetwork.com kay Arianne, ibinahagi niya ang kanyang hindi magandang karanasan sa social media.

Aniya, “Sobrang recent lang. Galing akong Taiwan tapos pabalik na ko ng Pilipinas, may mga nagme-message as in mura na iiisipin mo hindi siya joke kasi walang tawa, straight talaga, sunod-sunod sa lahat ng Instagram stories ko. Tapos, meron isa na nag-comment, sabi niya, 'Ibalik mo na si Sydney, sana sumabog ‘yung sasakyan mong eroplano pabalik ng Maynila.' May ganung sumpa, personalan na. Hindi nila naiintidihan na eksena lang ‘yun. Kung ano ‘yung pino-post ko sa IG, kinokonek nila sa ’kin at sa galit nila sa ’kin.”

Ngunit hindi naman ito sineryoso ni Arianne. Bagkus, natutuwa raw siya dahil patunay ito na nadarama ng mga manonood ang kanyang pagganap bilang kontrabida.

Saad niya, “Naiitindihan ko naman sila, okay lang for me kasi mas nararamdaman ko na nagagawa ko nang tama ‘yung role ko. Gan’un din naman ako kapag nanunuod ako ng movies or teleserye, naiinis din ako sa kontrabida pero hanggang doon lang.”

Dagdag pa niya, “Hindi naman kami nagtatanim ng sama ng loob sa mga ganun. ‘Pag pinag-uusapan ka, ibig sabihin pinapanood ka talaga.”

Abangan ang huling paghaharap nina Emma at Georgia sa Ika-6 Na Utos, Lunes hanggang Sabado, 2:30 p.m.