Around GMA

Article Inside Page

Magsasama-sama ang magkakapatid na Bryan, Jolo at Luigi Revilla sa pelikulang Tres, na binubuo ng tatlong kuwento na pagbibidahan ng bawat isa sa kanila. Ito ay ang Virgo, 72 Hours at Amats.

Mapapanood si Bryan sa Virgo samantalang bibida naman sa Amats si Luigi. Makakasama naman ni Jolo sa 72 Hours si Kapuso leading lady Rhian Ramos.

READ: Rhian Ramos shoots action movie with Jolo Revilla and other Kapamilya actors

Ayon sa ulat sa 24 Oras, hinahandog ng magkakapatid ang pelikulang ito sa kanilang ama, ang dating senator na si Bong Revilla, Jr. Nagkuwento rin sila tungkol sa dapat abangan sa kanilang pelikula.

"It's based in current events eh, katulad nung sa akin, nanggaling siya sa mga nangyayari talaga, from PDEA," ani Jolo.

Si Bryan naman, masaya sa kanyang pagbabalik sa pag-arte. "Matagal ko nang hindi ginagawa 'to, so I'm not hesitant on asking for help. I'm just really happy na very supportive ang mga kasama ko rin dito."

Para sa first time bida na si Luigi, isang hamon ang kanyang ginawa. "Naging fun pero challenging at the same time kasi hindi lang naman action ang whole movie. May drama pa dun, medyo maraming factors na involved."

Narito ang buong report: