Episode 92
Shocked ang dalawang lalaki na si Melissa ang tinamaan ng baril. Binuhat ni Roberto si Melissa, kasama ang dalawang bodyguards at isinugod nila sa ospital si Melissa. Nag-instruct si Roberto kay William na tuluyan na si Felix, ngunit makakatakas ito.
Episode 91
Nakuha na ni Roberto si Eva. Ikinuwento ni Amy kina Melissa and Felix kung paano nakuha si Eva nina Roberto. Akala ni Eva sina Felix at Melissa na ang dumating. Pero mga tauhan pala ni Roberto at sinunggaban kaagad ang bata para isakay sa kotse.
Episode 90
Sabay na tinutugis ng kampo ni Roberto at mga pulis sina Melissa at Felix ngunit natakasan sila ng mga ito. Nakatakbo ang dalawa sa silong ng isang kubo. Lalabas sila sa kanilang pinagtataguan nang makita ang papalayong mga paa ng mga pulis.
Episode 89
Papuputukan ni Roberto sina Melissa at Felix habang tumatakas ang mga ito. Madadaplisan ng bala sa balikat si Felix. Listong aalalayan ni Melissa si Felix upang makalayo sila kina Roberto. Makikibalita si Rebecca kay Kenneth kung nakausap na nito si Felix. Mag-aalala ito dahil baka imbis na maisalba ni Felix si Melissa ay dakipin pa ito ng mga pulis dahil tumakas ito sa bilibid.
Episode 88
Mabubuhayan ng loob si Melissa nang makita si Felix. Listo na siyang isasakay nito sa speedboat sa ‘di kalayuan. Hindi mapipigilan ng dalawa na mapaluha sa muli nilang pagkikita. Babanggitin din ni Felix na nabawi na sa kamay ng mga Sebastian si Eva. Nasa pangangalaga na ito ni Ofelia.
