Ang buhay ni Justin (Richard Gutierrez) ay makulay lang sa harap ng camera—pero ang totoo, lonely boy siya. Ito ay dahil in love siya sa best friend niya na iba naman ang gusto. Parati pa siyang pinuputakti ng mga tsismis at ng sandamakmak niyang fans! Naisipan niya tuloy na lumipat sa isang tahimik na bahay. At matatagpuan naman niya ang ideal house niya sa bahay ni Jessie (Heart Evangelista). Ibinenta ito sa kaniya ng kapatid ni Jessie na si Donald (Rainier Castillo) habang nagbabakasyon ang kaniyang ate sa Prague. Sa pagbalik ni Jessie, malalaman niyang may iba nang nakatira sa kaniyang bahay. Hindi naman aalis si Justin sa bago niyang bahay dahil nabili na niya ito. Sino ang tunay na may-ari ng bahay? Magkasundo pa kaya ang dalawang taong sadyang hindi magkasundo? Ito na ang simula ng magulo at nakakikilig na love story sa loob ng Full House! Fall in love again, weeknights sa GMA Telebabad.