Pagkatapos ng ‘Takeshi’s Castle,’ isa na namang nakakaaliw at nakakabaliw na show ang magsisimula ngayong Linggo, na pinangungunahan ni ace comedian Joey de Leon. Samahan natin siya as he gives us a tour of ‘Joey’s Quirky World!’ Text by Loretta G. Ramirez. Photos by Mitch S. Mauricio. Simula March 1, mapapanood na ang Joey’s Quirky World. Dadalhin tayo ni Inspektor Talas sa iba’t-ibang parte ng mundo at ipapakita sa atin ang mga kakaiba at nakakaaliw na mga videos at segments. Kasama si Ryan Yllana, John Feir, Boobay at Mike ‘Pekto’ Nacua, tiyak na isa na naman itong hit sa mga Kapuso viewers. “Ang simpleng description ng show ay mga kaugalian at kultura ng iba’t-ibang nation, tapos hinahaluan namin ng mga local at interesting na trivia," kuwento sa amin ni Joey de Leon a.k.a Inspektor Talas during the press launch of the show. "Kunyari, kung baga sa Pilipinas, 'yung mga nagpapako sa krus tuwing mahal na araw. Eh ilan ang bansa sa mundo at ilan ang kaugalian nila—marami ‘yun. 'Yung iba nakakatawa, 'yung iba nakakagulat, kaya halo-halong mga videos ito.”
Idinagdag din niya na tiyak na magugustuhan natin ang mga additional segments nila kung saan sari-saring local trivias ang ipapalabas nila. “Nilagyan namin ng mga interesting local ingredients—kunwari hindi alam ng tao siguro na si Ogie Alcasid ay Herminio ang panagalan, then ang pangalan ng nanay niya ay Herminia, ang tatay niya ay Herminio, ang yaya niya ay Herminia rin, so mga ganung bagay,” ang paliwanag ng batikang komedyante. Dahil sa ibinigay niyang example, hindi tuloy namin maiwasang tanungin kung meron din ba siyang mga quirks sa buhay niya. “Hindi ba ang meaning ng quirky parang weird? Ako kasi, ang pampatulog ko ano eh, trabaho, at hindi ako nade-depress or nahihirapan. Na-eenjoy ko, kaya nakangiti ako kung matulog, eh. Napagsasabay-sabay ko 'yan eh, nagpe-painting ako, nagsusulat ng script, at nanonood ng TV—nagagawa ko 'yun sabay-sabay,” Talaga namang walang katulad ang isang Joey de Leon, kaya tiyak na aabangan ang pagbubukas ng Joey’s Quirky World! Huwag palampasin ang pilot episode nito sa March 1, Linggo, bago mag-SOP dito lamang sa GMA. Talk about Joey’s Quirky World sa iGMA forums.