Bea Binene, mas naging close sa Team InstaGang | GMANetwork.com - Entertainment - Home of Kapuso shows and stars - Articles

Naabutan namin si Bea Binene na nagrerehearse para sa Sunday All Stars. Hindi siya nagdalawang isip sagutin ang mga tanong tungkol sa kanyang team, ang InstaGang.

Bea Binene, mas naging close sa Team InstaGang


Naabutan namin si Bea Binene na nagrerehearse para sa Sunday All Stars. Hindi siya nagdalawang isip sagutin ang mga tanong tungkol sa kanyang team, ang InstaGang.

“Iyong bonding namin masaya, kasi nasa isang dressing room lang kami. Ngayon, mas talagang naging close kami,” ang panimula ng Tween star.

Ipinagtapat sa amin ni Bea na may pressure siyang nararamdaman para manalo ang team InstaGang.

“Siyempre, hindi naman po mawawala iyong pressure. Kasi number one, hindi naman namin nakikita kung ano gagawin ng ibang grupo. Kaya wala kaming clue, kung ano iyong edge nila sa amin. Pero, basta, fun lang. Hindi mawawala iyong pressure, kasi for sure, magagaling iyong ibang grupo.”

Ipinagmalaki naman ni Bea ang kanilang team leader na si Christian Bautista. “Magaan siyang katrabaho. Kahit hindi kayo magkakasama, kahit hindi kayo madalas nagmi-meeting, in touch ka pa rin sa kanya. Kasi lagi siya nagtitext about the group. Ayun, masaya, sobrang gaan kasama. Disiplinado at professional na leader.”

Binida din sa amin ni Bea ang atake nila sa pagpe-perform. “Hindi namin dinadaan sa props. Hindi namin dinadaan sa guests. Dinadaan namin siya talaga, sa performance namin. We make sure that every Sunday, meron kaming BOOM! Meron kaming pasabog sa prod namin.“

Abangan si Bea Binene at ang Team InstaGang this Sunday sa nag-iisang celebrity showdown sa telebisyon, ang Sunday All Stars. -- Text by Eunicia Mediodia, Photo by Bochic Estrada, GMANetwork.com.