Around GMA

Article Inside Page

Sa pagharap ng Inagaw Na Bituin cast sa entertainment reporters nitong Biyernes, February 1, ipinaliwanag ni Direk Mark Reyes ang pagkakatulad at pagkakaiba ng inaabangang kantaserye sa GMA Afternoon Prime mula sa iba nang naipalabas sa sine o telebisyon.

Direk Mark Reyes

EXCLUSIVE: Direk Mark Reyes, ibinahagi ang excitement para sa bagong Kapuso dramang 'Inagaw na Bituin'

Una, nilinaw ng direktor na hindi isang musical ang Inagaw Na Bituin kung saan bigla-bigla na lang kakanta ang mga artista rito.

Ganunpaman, ipinagmamalaki niyang maraming bagong kanta ang mapapakinggan at de-kalibreng pag-arte ng seasoned stars ang mapapanood sa Kapuso kantaserye.

Aniya, “GMA has invested in a lot of new music for the series so hopefully we'll have an album as we move along. What you'll be hearing are two originals. We have several new songs coming up for the series as well. But beyond the music, it's the drama that is very intriguing here.”

“Some of the story points are the usual fare for a soap but the way it was written by the writers, and the way the twists and turns happen, it's very interesting po. And need I say more, the casting between these two young girls and the more 'younger' stars… I mean busog na busog sa hapon ang makakapanood ng serye na 'to,” patuloy rin niya.

Pinabulaanan din ni Direk Mark na hango sa dati nang palabas ang kuwento ng Inagaw Na Bituin tulad ng dating sikat na drama na pinagbidahan nina Sharon Cuneta at Cherie Gil.

Pahayag ng direktor, “I guess the milieu is the same, you know. Once napanood mo 'yung classic na 'yun, mare-relate mo nga dito sa progama namin. Pero sobrang iba niya, I mean pag mapanood niyo palang 'yung first episode, you'll realize it's totally different. Ibang iba siya. It's the same feel, it's the same genre but it's totally different, very, very different.”

Dagdag niya, hindi rin maiiwasang may makakatulad na tema ang palabas dahil kumukuha rin siya ng inspirayon sa mga kultura at panlasa ng mga Pilipino.

Ani Direk Mark, “Maybe because that's so Pinoy. 'Di ba nasa kultura natin 'yan, 'yung pagkanta, 'yung musika, tapos pag merong dalawang forces na naglalaban, at the end either nagkakabati or 'yung isa naggi-give up, isa nananalo.

"So I guess that's the nearest thing that is tied up with all the other past movies or series with us. But totally again, the story is very different from what we've seen. It's not based on something or inspired by something.”

Ang Inagaw Na Bituin ay pagbibidahan nina Kyline Alcantara at Therese Malvar. Tampok din sa Kapuso kantaserye sina Sunshine Dizon, Angelika dela Cruz, Marvin Agustin, Angelu de Leon at Gabby Eigenmann.

Abangan ang kauna-unahang kantaserye sa GMA Afternoon Prime simula February 11.