Around GMA

Article Inside Page

Sa recent episode ng Mars, inamin ni Camille Prats na minsan na siyang na-wrong send sa kuya niyang si John Prats noong dalaga pa siya. At dahil dito, nahuli nito na may boyfriend na siya.

Kuwento ni Camille, “Nung teenager pa ako, ‘yung kuya ko natutulog kami parati sa isang room kasi super clingy kami sa isa’t isa. Hindi alam ni kuya na ‘yung best friend niya, jowa ko na.”

Nang patulog na raw sila, nag-text daw si Camille sa kaniyang boyfriend, pero sa Kuya John niya na-send. Ang text: “Good night, babe. I love you.”

Natanggap daw ito ni John at agad na nabasa. Pinagsabihan daw siya nito. “Sinasabi ko na nga ba ‘eh. May tinatago ka sa ’kin ‘eh.”

Pero nakahanap pa rin si Camille ng paraan para 'di mabuking. Aniya, “Nag-iisip ako ng palusot.”

Ang paliwanag niya raw kay John, tini-text niya ang sarili niya paminsan. “Kuya hindi. Ginagawa ko talaga ‘yan gabi-gabi. Tini-text ko talaga ‘yung sarili ko ng ganyan. Na-send ko lang sa ’yo. Kasi ‘di ba ang sarap sa pakiramdam na may nagsasabi sa ’yo ng ‘Good night, babe. I love you.’?"

Effective naman daw ang palusot ni Camille. “Naniwala siya sa ’kin.”

Dagdag niya, “Talagang suntok sa buwan ‘yung pagsisinungaling ko, because it was such a lame story. Who would believe that, ‘di ba?”

Hinikayat pa raw ni Camille na i-text rin ni John ang sarili niya ‘pag gabi para ‘di malungkot. At ginawa naman daw ito ng kanyang kuya.

Kuwento ni Camille, “Tinext niya ‘yung sarili niya.”

Wala raw kamalay-malay noon si John sa mga palusot niya.

Panoorin ang buong chikahan nina Camille Prats, Taki Saito at Suzy Abrera sa Mars.