Lalong pinatibay ng GMA Kapuso Foundation (GMAKF) ang paghahatid nito ng serbisyong totoo sa katimugang bahagi ng bansa sa pagtatatag ng GMAKF Davao Chapter na ginanap noong August 17 sa El Gato Restaurant, Rancho Palos Verdes Sports and Country Club, Davao City.

Ang launch na may temang “Serbisyong Tinud-Anay Para Sa Tanay (Serbisyong Totoo Para Sa Lahat)” ay isinagawa upang makapaghikayat ng mga volunteers at donors mula sa pinaka-malaki at pinaka-mataong siyudad sa buong Pilipinas.

Akma ang lokasyon ng Davao na maging sentro ng Southern operations ng GMAKF dahil malapit ito sa ibang probinsya sa Mindanao kung saan laganap ang kahirapan. Dagdag pa dito ang pagkakaroon ng GMA TV Davao Station upang mas mapabilis ang paghahatid ng tulong sa mga nangangailangan.

Ayon kay GMAKF EVP and COO Mel Tiangco, ang Davao Chapter ang magsisilbing tulay sa pagitan ng mga Davaoeños at mga taga-Quezon City headquarters ng GMAKF kung saan nagsisimula ang karamihan sa mga programa ng Foundation.

“We want to go to the grassroots as we mount and deliver our public service efforts. We also want to involve more people in the cause of alleviating poverty levels and extending assistance in several areas across the country,” saad ni Tiangco.

Subalit kalaunan ay nais niya na tumayo mag-isa ang Davao Chapter at makapangalap ng tulong sa mga lokal ng Davao. “Our end-goal is to make the Davao Chapter self-supporting, in that it should be able to mount its own medical missions, relief operations, etc. thru local support. But this does necessarily mean that we are excluding ourselves from its operations. We will be working hand in hand with them as we strive to better serve the residents of Davao.”

Pinangunahan ni Tiangco ang ceremonial toast kasama sina Mr. Jeffery Balde, Executive Director of GMAKF, Ms. Mariles Puentevella, Station Manager of GMA TV 5 Davao, Mr. Oliver Amoroso, AVP for GMA Regional TV, Ms. Cel Amores, AVP for Regional News and Public Affairs, at Ms. Gigi Lolarga, Operations Manager for GMA Regional TV. 

Noong August 18 ay ginanap ang Kapuso Barangayan, isang medical mission sponsored by Pharex Health Corp. bilang regalo sa birthday ni Ms. Mel Tiangco. “It has been a yearly tradition for them to sponsor a medical mission worth at least half a million for my birthday, and I am very grateful for that,” ayon kay Tiangco.

Magmula 2008 ay aktibo na ang GMAKF sa pagtaguyod ng iba’t ibang humanitarian activities para sa mga underprivileged communities sa Davao. Kabilang dito ang iba’t ibang health, education, disaster relief at values formation projects ng GMAKF.

Bukod sa Cebu, Iloilo at Davao,  nakatakda rin ilunsad ang GMAKF Chapter sa Dagupan.  Plano  rin ng Foundation na magtaguyod ng GMAKF chapters sa  mga bagong originating stations ng GMA sa Bicol at Ilocos.

Para sa mga nais makiisa sa  pag-abot ng tulong ng GMAKF, maaaring mag-deposit sa account name na GMA Kapuso Foundation, Inc. Para sa Metrobank, ang account numbers ay ang mga sumusunod: 3-098-51034-7 (Peso Savings) at 2-098-00244-2 na may code MBTC PH MM (Dollar Savings). Para sa UCPB, ang account numbers ay 115-184777-2 at 160-111277-7 (Peso Savings), at 01-115-301177-9 at 01-160-300427-6 with swift code UCPB PH MM (Dollar Savings). Maaari ring magpaabot ng tulong sa pamamagitan ng website at lahat ng Cebuana Lhuillier branches sa buong bansa.

Para sa karagdagang impormasyon, tumawag lamang sa (632) 9827777 locals 9901 o 9905, o mag-email sa gmaf@gmanetwork.com o mag log-on sa www.gmanetwork.com.