Bukas na ang mas pinahaba pang Noel Bazaar 2018 sa World Trade Center sa Pasay City nitong Huwebes.

Ito ay tatakbo hanggang sa Nobyembre 30, at magbubukas din sa Filinvest Tent Alabang sa Nobyembre 29-Disyembre 9; Disyembre 10-16; at Disyembre 17-23.

Bubuksan din ito sa SMX Convention Center Manila sa Disyembre 14-23.

Sari-saring mga merchandise ang tampok sa Noel Bazaar 2018, tulad ng mga damit, laruan, bags, accessories, iba pang mga gamit at mga regalong pang-Pasko.

Nasa ikalawang taon na ngayon ng International Food Feast Bazaar, samantalang nasa bazaar din ang GMA Celebrity Ukay-ukay, GMA Celebrity Auction and Variety Show, at iba pang programa.

Kabilang sa mga Kapuso celebrities na ibibenta ang kanilang mga damit ay ang mag-asawang sina Dingdong Dantes at Marian Rivera; Kyline Alcantara; Bea Binene; Miguel Tanfelix at Bianca Umali.

Ang malilikom na pera ay mapupunta sa GMA Kapuso Foundation, Bantayog ng mga Bayani Foundation, Philippine Daily Inquirer Foundation, at iba pang beneficiaries.

Ang pagbubukas ay pinangunahan nina Rikki Escudero, EVP GMA Kapuso Foundation; Alexandra Prieto Romualdez, president & CEO ng Philippine Daily Inquirer; at Mayose Gozon-Bautista, president ng Cut Unlimited.

Present din sina Kapuso stars Kyline Alcantara at Bea Binene, samantalang si Joyce Pring ang nagsilbing host ng event.

Isinaad ni Gozon-Bautista na dinoble nila ang mga araw ng bazaar sa 38 na araw at inaasahan pa nilang mas dadami pa ang mga beneficiaries.

"Life is precious and that life is meant to be lived with others and life is meant to be in the service of other people... Everyday that we are particularly reminded by the season, we have to remember that we're there for others and not just for ourselves. And I think that's the core spirit of Noel Bazaar and we're just so thankful that we are a part of it," sabi naman ni Romualdez.

"Every time you shop, you don't just shop and give joy to the recipient of your gift, you also give joy to many, many others," dagdag pa ni Romualdez.

"Sa totoo lang tingin namin na nakakatulong siyempre ‘yung ating mga partners, and since nakakatulong din tayo sa iba, ‘yung beneficiaries natin like GMA Kapuso Foundation, Bantayog ng mga Bayani Foundation and many more. Tingin namin na blessing din po sa amin na tumagal kami ng 18 years," sabi ni Justine Bautista ng Cut Unlimited sa panayam sa kaniya ng GMA News.

 

 

—LBG/RSJ, GMA News