Aksidente umanong nalambat ng dalawang mangingisda ang isang hawksbill sea turtle sa Lamitan City sa Basilan noong Miyerkoles.
Nalambat umano ang pawikan sa karagatang sakop ng Barangay Bulanting sa lungsud ng Lamitan. Agad nila itong dinala sa Maritime Police at City Environment and Natural Resources Office (CENRO).
Nang matiyak ng CENRO na ligtas at malusog ang pawikan ay ibinalik na ito sa dagat.
Ayon sa Department of Environment and Natural Resources (DENR)-Lamitan, critically endangered na ang hawksbill sea turtle o nanganganib nang maubos dahil sa paghuli ng mga tao. —LBG, GMA News