SUV ng GMA reporter nabiktima ng ‘basag-kotse’ gang

Nabiktima ng "basag-kotse gang" ang Mitsubishi Montero ni GMA News reporter Steve Dailisan nitong Sabado ng gabi habang binibisita ang kanyang ina sa isang ospital sa Quezon City. 

Ayon sa ulat ng Super Radyo dzBB, dalawang lalaki ang bumasag sa kanang bintana ng sasakyan ni Dailisan habang nakaparada sa kahabaan ng Kamuning Road, sa tapat ng Dr. Jesus Delgado Memorial Hospital.

Natangay ng mga suspek ang bag na naglalaman ng laptop at ilan pang mga gadget ng mamamahayag.

Naproseso na ng crime scene investigators ang SUV ni Dailisan habang patuloy naman ang follow-up operation ng pulisya upang makilala at maaresto ang mga suspek.

.@dzbb Pinoproseso na ng SOCO ang SUV ni @stevefdailisan na inatake ng "Basag-Kotse Gang" pic.twitter.com/lFgLRFfdzr

— Luisito Santos (@luisitosantos03) May 13, 2017

—Joseph Tristan Roxas/ALG, GMA News