Arestado ang isang lalaki matapos magpanggap na isang pulis at mangholdap sa Quezon City nitong Sabado ng gabi.
Nakilala ang suspek na si Mark Anthony Verbo, residente ng Bistekville 6 sa Fairview.
Sa ulat ni Luisito Santos sa Super Radyo dzBB, naaresto si Verbo matapos mangholdap sa kanto ng EDSA at NIA Road.
LOOK: Lalaking nagpapanggap na pulis, arestado matapos mangholdap sa kanto ng EDSA at NIA Road, Quezon City @dzbb pic.twitter.com/vcTEGk60yb
— Luisito Santos (@luisitosantos03) April 7, 2018
May nakuhang patalim sa suspek na nakasuot pa ng bullcap ng pulis.
Isa ring motorsiklo ang gamit ng suspek na may sticker ng mga letrang QCPD o Quezon City Police District sa harapan.
LOOK: Narekober mula sa lalaking nagpanggap na pulis ang isang bullcap ng PNP, patalim at motorsiklo na may sticker na QCPD @dzbb pic.twitter.com/lBaRAwky3n
— Luisito Santos (@luisitosantos03) April 7, 2018
Bukod sa kasong pagnanakaw, malamang din na kasuhan si Verbo ng usurpation of authority. —ALG, GMA News