Dating BOC Comm. Nicanor Faeldon, makakapanayam sa Investigative Documentaries

TARA
14 September 2017 Episode       

Nagbitiw na bilang hepe ng Bureau of Customs si Nicanor Faeldon pero hindi pa rin natatapos ang mga isyu laban sa kanya. Sa ngayon ay nakapiit siya sa Senado matapos tumangging muling humarap sa Senate Blue Ribbon Committee.

Sa akusasyon ni Sen. Panfilo Lacson, tumanggap daw si Faeldon ng P100 milyon pag-upo bilang commissioner, bukod pa sa tara o suhol na ibinibigay ng mga importers sa mga opisyal ng BOC.

Binuksan ni Faeldon ang kanyang tahanan sa Investigative Documentaries at ipinakita ang payak lang daw niyang pamumuhay. Handa raw siyang sumailalim sa lifestyle check para patunayan na hindi siya magnanakaw.

Sa kanyang Statement of Assets, Liabilities, and Net Worth (SALN) noong 2016, P3 milyon ang deklaradong ari-arian ni Faeldon. Kabilang dito ang bahay at lupa niya sa Taytay Rizal.

Kilalanin pa si Faeldon sa panayam na ibinigay  sa aming programa. Manood ng Investigative Documentaries ngayong Huwebes, alas otso ng gabi kasama ang 2013 Metrobank Journalist of the Year na si Malou Mangahas sa GMA News TV Channel 11.