Alden Richards' album 'Wish I May' reaches quadruple platinum status

Patuloy ang pagkilala sa Pambansang Bae at Kapuso host-actor na si Alden Richards bilang isang artista at recording artist.

Nitong Linggo, tinanggap ng “Eat Bulaga!” Dabarkads at “Sunday Pinasaya” star ang quadruple platinum award para sa kaniyang album na “Wish I May.”

 

Congrats, Ultimate Bae @aldenrichards02! After 4 months since release date, #4XPlatinum na ang #WishIMayAlbum mo! Salamat sa lahat ng mga sumusuporta sa kanyang latest album. #Supportpamore

A photo posted by GMA Records (@gmarecords) on

Feb 27, 2016 at 10:12pm PST

Apat na buwan pa lamang ang nakalilipas mula nang opisyal na ilunsad ang pinakabagong album ng Kapuso heartthrob, at mula noon ay naging sunud-sunod nga ang parangal na tinanggap niya.

Disyembre noong nakaraang taon nang tanggapin ni Alden ang Double Platinum Award para sa “Wish I May.”

Matatandaang opisyal na inilabas ang naturang album noon lamang Oktubre 2015, at makalipas ang tatlong buwan ay nakabenta na nga ito ng humigit-kumulang tatlong milyong kopya sa loob at labas ng bansa.

Tinanggap rin ng binata noong Enero ang platinum award para sa kaniyang single na “Wish I May.” —ALG, GMA News