Kapuso personalities, shows recognized by Inding-indie Film Festival 2016

Ilang artist at personalidad ng GMA Network ang kinilala sa naganap na Inding-Indie Short Film Festival Awards Night nitong nakaraang linggo para sa natatanging kontribusyon nila sa kani-kanilang industriya.

Pinarangalan ng Inding-Indie Film Festival Lifetime Achievement Award at Huwarang Personalidad ng Taon ang CEO at Chairman ng GMA Network Inc. na si Atty. Felipe L. Gozon.

Kinilala naman bilang Most Trusted Media Personalities sina Mariz Umali, Mav Gonzales, Steve Dailisan, Mike Enriquez at Mel Tiangco.

Tinanggap naman ng “24 Oras” anchor Vicky Morales ang Inding-Indie Film Festival Most Trusted Media Personality of the Decade award.

“Thank you to Indieng-Indie Film Festival for this award! Kinilig po ako. Para ito sa lahat ng kapwa ko millennial. Patunayan natin na may kabuluhan tayo sa lipunan. For the greater glory of God,” ayon kay Mav sa isang Instagram post.

Natanggap rin ni Jessica Soho ang Inding-Indie Film Festival Asian Excellence Award for Most Trusted and Best Broadcaster, habang kinilala bilang Outstanding TV News Personalities sina Emil Sumangil at John Consulta.

 

Hi mom, I made it! haha Jk, long way to go!

A photo posted by Mav Gonzales (@mav_gonzales) on

Dec 10, 2016 at 2:29am PST

 

GMA News meets Encantadia

A photo posted by Mav Gonzales (@mav_gonzales) on

Dec 10, 2016 at 2:34am PST

Hinirang naman bilang Bayani ng Pinilakang Tabing sina Nova Villa, Ces Quesada, Vangie Labalan, at John Arcilla, kasama sina Pilar Pilapil at Enrique “Tintoy” Arcega.

Huwarang Komedyante si Jose Manalo, Huwarang Artista sa Kabataan si Sanya Lopez, Pinakamagiliw na Artista sa Kabataan si Hiro Peralta, at Most Outstanding Male Performer in the Philippines naman si Christian Bautista.

 

Cheers to #SanyaLopez @sanyalopez and #HiroPeralta @redrangerhiro for their awards tonight! #GmaArtistCenter #ArtistCenter #awards #rolemodel #kapuso #gma7

A photo posted by GMA Artist Center (@artistcenter) on

Dec 10, 2016 at 3:53am PST

Pinarangalan din sa Inding-Indie Film Festival 2016 ang mga Kapuso program tulad ng “24 Oras,” na hinirang bilang Most Trusted TV News Program, Huwarang Programa sa Sining at Media, at Most Trusted TV News Program for Asian Excellence.

Pinakamahusay at Pinakamagandang Panoorin sa Kasaysayan ng Dokumentaryo naman ang “Front Row,” “Reel Time,” iWitness,” at “Reporter's Notebook.”

Iginawad naman sa “Wowowin” at “Wish Ko Lang” ang Best Public Service TV Program of the Decade award, habang Huwarang Programa ng Taon naman ang “iJuander” at “Kapuso Mo Jessica Soho.”

Pinakamapanuri at Pinakapinagkakatiwalaang Programa ng taon ang “State of the Nation with Jessica Soho,” Most Outstanding Travel Show ang “Biyahe ni Drew,” at Pinakamagandang Panoorin ng Dekada ang “Maynila.” 

Pinarangalan din ang GMA Network bilang Pinakamapanuri at Pinakapinagkakatiwalaan sa Larangan ng Pagbabalita.

-- FRJ, GMA News