Maine, bumisita sa lamay ng yumaong fan na si Ate Raz

Bumisita ang “Destined To Be Yours” star na si Maine Mendoza kamakailan sa lamay ni Raz Alfaro, isa sa kaniyang masugid na tagahanga.

Agad na kumalat ang mga picture ni Maine na dumadalo sa lamay, kasama ang ilang mga katrabaho sa Eat Bulaga.

Ayon sa social media updates ng mga kaibigan ng biktima, natagpuan ang labi ng registered nurse at The MaineGirls fans club administrator sa Cavite, at pinaniniwalaan ng marami na pinaslang ito.

 

Salamat @mainedcm kahit bucy bucy ka pagod at puyat sa taping, my time kp pa rin mkapunta sa burial ni @raz.alfaro...dahil jan lalo kp namin susuportahan at mamahalin, God bless you ???????? Paalam @raz.alfaro ???? Thank you also direk @patchypie @oreoplatamata

A post shared by Mengshy15 (@mengshy15) on

Mar 10, 2017 at 4:11pm PST

Sa isang tweet nitong nakaraang linggo, nakiisa si Maine sa mga nanawagan ng #JusticeForRaz.

“Maraming salamat sa oras, suporta at pagmamahal na ibinigay mo sa akin, Ate Raz. Mamimiss kita,” mensahe niya sa pumanaw na tagahanga. —JST, GMA News