Kaniyang kasal noong nakaraang linggo sa Boracay, may nakita raw na palatandaan si Maxene Magalona na sinamahan pa rin siya ng kaniyang namayapang ama na si Francis Magalona habang naglalakad siya patungo sa kaniyang magiging asawa.
Sa kaniyang Instagram post, ibinahagi ni Maxene ang nakita niyang paru-paro na nakunan sa video na tumabi sa kaniya habang naglalakad siya patungo sa naghihintay na si Robby Mananquil.
Habang naglalakad si Maxene sa aisle, pinatutugtog din ang awiting "Girl Be Mine" na inawit ng kaniyang ama na si Francis na pumanaw noong 2009 dahil sa sakit na leukemia.
"It’s every girl’s dream to be given away by their father on their wedding day. Unfortunately, my dad @francismagalona passed away in 2009 due to leukemia so for my wedding march, I chose to walk down the aisle to one of his songs entitled, 'Girl Be Mine,'" caption ni Maxene sa kaniyang post.
"Little did I know that he would actually be there with me in the form of a brown butterfly which flew right by me before I met my mom in the middle of the aisle. If you look closely, you’ll see it in this video beautifully captured by @allan_diones. Spot @robmananquil jumping up and down in excitement and rocking to my dad’s song #iROByouveryMAXX #MagalonaMananquil #FrancisMForever #VWManila #VeraWangManilaBride #TeddyManuelExperience #BoracayWeddings" pagpapatuloy niya.
Bago ang kasal nila sa Boracay, nagkaroon din sila ng Church wedding noong Enero 8 sa Santuario de San Antonio Parish sa Makati.-- Jamil Santos/FRJ, GMA News
