Nominado si "Pambansang Bae" Alden Richards sa iba't ibang kategorya para sa Star Awards for Music ngayong 2018 dahil sa kaniyang mga awitin at music video.
Sa Star Bites report ni Cata Tibayan sa GMA News "Balitanghali" nitong Biyernes, inilahad ang mga categories kung saan pasok si Alden.
- Song of the Year (Rescue Me)
- Male Recording Artist of the Year
- Album of the Year para sa (Say It Again)
- Male Concert Performer of the Year (Upsurge)
- Music Video of the Year (Guardian Angel)
- Pop Album of the Year (Say It Again)
- Male Pop Artist of the Year
- Album Cover Design of the Year
Kasama ni Alden sa nominado ang iba pang sikat na singers.
Naghahanda na rin si Alden ngayong taon para sa release na kaniyang bagong album.
Ipinakita ng GMA Records ang patikim ng isinagawang photoshoot para sa album si Alden.
Samantala, makakasama rin ni Alden sa Abril sa Amerika at Canada ang iba pang Kapuso stars para sa "Sikat Ka, Kapuso."
Gaganapin ang event sa Abril 7 sa Newark Symphony Hall sa New Jersey sa Amerika, at April 8 sa Sony Centre for the Performing Arts sa Toronto, Canada.
Makakasama niya ang iba pang Kapuso stars na sina Kapuso Drama King Dennis Trillo, Ultimate Star Jennylyn Mercado, Kapuso Premier Drama Actress Lovi Poe at Kapuso Primetime King Dingdong Dantes.
Handog ito ng GMA Pinoy TV, GMA Life TV at GMA News TV International.-- Jamil Santos/FRJ, GMA News
