Sinabi ni Kapuso actor Tom Rodriguez na excited siya sa bagong GMA thriller-action series na "The Cure," dahil hindi lang umano basta-basta zombies ang kanilang makakalaban.
Sa ginanap na press conference ng "The Cure" na ginanap kamakailan, sinabi ni Tom na mas "rabid" ang mga mahahawaan ng virus na resulta ng side effects ng isang gamot na laan sana para sa cancer.
"I keep saying na zombie is parang undead, like you're going back to George Romero... Ito they're more rabid na infected. It's an infection, it's an epidemic talaga. More like '28 Days Later,' 'World War Z,'" sabi ni Tom.
Tom Rodriguez as Gregory Salvador for GMA’s newest action-thriller series “The Cure.” @gmanews pic.twitter.com/BznrH0J277
— Jamil Santos (@Jamil_Santos02) April 17, 2018
Gagampanan ni Tom ang role bilang si Gregory Salvador, isang Clinical Research Associate sa isang international pharmaceutical laboratory, at magkakaroon ng stage 4 cancer ang kaniyang nanay na nais niyang iligtas.
Katambal ni Tom sa serye si Jennylyn Mercado, na gaganap bilang asawa niya na si Charity Salvador.
Aminado si Tom na hanga siya kay Jennylyn at "fan mode" kapag ka-eksena ang aktres.
"First time na full length na soap. Kasi 'yung ginawa namin two days lang ng Lenten Special for APT, and du'n pa lang nag-enjoy na ako nang sobra," kuwento ni Tom.
"Kaya sarap, ang gaan lang katrabaho tsaka napakagaling, nakakabilib sobra. Kapag pinapanood mo [siya], part of you is like can't believe that you're in a scene with her and part of you din is nandu'n 'yung pagiging fan," dagdag niya.
Sinagot ni Tom ang tanong kung nai-intimidate ba siya kay Jennylyn.
"Mas na-e-excite ako kasi alam ko at the very least, may matututunan ako, whether if I execute the scene to the best of my capabilities. So if I fail at it, I know that it will be a learning lesson," saad niya.
Nagpasalamat naman si Tom sa mga oportunidad na ibinibigay sa kaniya ng network.
"GMA never fails to amaze me with the roles that they challenge me with. Everything that they give me... I don't know why lagi akong sinusuwerte na it stretches me in one way or another, like different aspects. MHL (My Husband's Lover) was really a project na huge undertaking for me, and it started making me realize what's possible in this craft," ayon kay Tom.
Patuloy niya, "Plus the succeeding shows that they have given to me had something like that na kahit hindi man 'yun mismo ulit like 'MHL,' it's almost like a parallel, it's almost analogous to it. It's a different aspect and yet it's still related what way na may mga matututunan kang bago hindi lang tungkol sa sarili mo, hindi lang tungkol sa trabaho mo, pero tungkol din sa mga kasama mo. This line of work could be a great source for learning if explored," dagdag ng aktor.
Sabi pa ni Tom, focus sa kaniyang bagong show.
"Basta ako my focus is, katulad ng sinabi ni direk kanina... it's a family, new adventure. And for me that's where I am. I go 100% all in and I'm having a lot of fun," ayon sa aktor -- FRJ, GMA News
