Itinanghal si Nicole Guevarra Flores ng Olongapo City bilang Super Sireyna Philippines 2018 nitong Sabado sa Eat Bulaga.
Sa Chika Minute report ng 24 Oras Weekend, nakuha ni Nicole ang highest score na 96.43%, at nanalo pa siya bilang Super Sireyna Philippines Super Talent dahil sa magaling niyang pagsayaw.
Si Nicole ang magiging kinatawan ng bansa para sa Super Sireyna Worldwide.
First runner-up naman si Justin Mascariñas ng Butuan City, Agusan del Norte, at second runner-up si Angel Montenegro ng Davao City.
Natanggap naman ni Ana Patricia Lorenzo ng Tondo, Maynila and special award na Super Sireyna Online Favorite.
Naging judges sina 24 Oras Weekend anchor Pia Archangel, Heart Evangelista, Ms. Intercontinental 2017 first runner up Katarina Rodriguez at reknowned fashion designer Mark Bumgarner. —Jamil Santos/ALG, GMA News
