Megan Young, nanalong Miss World Philippines 2013

Published August 19, 2013 11:39am

Bukod sa pagiging aktres, matatawag na rin ang StarStruck alumna na si Megan Young bilang beauty queen. Kinoronahan kasi ito nitong Linggo sa Solaire Resort and Casino sa Pasay City bilang pinakabagong Miss World Philippines.

Si Megan, 23, ang kakatawan sa Pilipinas sa prestihiyosong Miss World na idaraos ngayong Setyembre 28 sa Jakarta, Indonesia.

Bukod sa titulo, inuwi rin ng aktres at ngayo'y beauty queen ang ilang special awards tulad ng Best in Fashion Runway, Miss Sports Fila, Miss Olay, at Miss Bench Body.

Miss World Philippines Top 5

Miss World Philippines - Megan Lynne Young

1st runner up - Janicel Lubina

2nd runner up - Zahra Saldua

3rd runner up - Maria Paula Bianca Paz

4th runner up - Omarie Osuna

Special and sponsored awards

Best in Fashion Runway - Megan Young

Miss Friendship - Zahra Bianca Saldua

Best in Talent - Samantha Mae Bernardo

Miss Sports Fila - Megan Young

Miss Olay - Megan Young

Miss Novu Hair - Patricia Lae Ejercitado

Best in Swimwear - Janicel Lubina

Miss Redox Fat - Maria Paula Bianca Paz

Miss Revlon - Megan Young

Miss Figlia - Megan Young

Miss Laguna World - Megan Young

Miss Photogenic - Janicel Lubina

Miss Bench Body - Megan Young

Best in Gown - Maria Paula Bianca Paz

Miss Slimmers World - Janicel Lubina

Samantala, wala pang mapalad na Filipina candidate na nakaronahan sa naturang titulo.

Magugunitang muntik nang mauwi ni Gwendoline Ruais ang Miss World crown noong 2011 ngunit sa huli ay itinanghal ito bilang Miss World First Princess.

Nagsilbing host naman sa 2013 Miss World coronation night sina Divine Lee, KC Montero, "2011 Miss World First Princess" Gwendoline Ruais at "My Husband's Lover" stars Victor Basa at Carla Abellana. — Mac Macapendeg/RSJ, GMA News

Tags: meganyoung, missworldphilippines