Rhian Ramos reveals winning case against Mo Twister

Nang kumustahin naman namin ang tungkol sa kaso nila ng ex-boyfriend niyang si DJ Mo Twister, nakangiting sumagot si Rhian Ramos ng, “Finished everything. I won. It’s done in my past.”

 

Kailan natapos ito?

 

Sagot niya, “Siguro a year ago na.”

 

Bakit parang hindi yata ito pinag-usapan sa media?

 

Paliwanag niya, “I didn’t talk about it. I was happy na, e. I felt like, 'Okay, I got it and I’m fine.'”

 

Ang kasong protection order ay isinampa niya kay DJ Mo tatlong taon na ang nakakaraan. Umalis ng bansa ang radio jock patungong Amerika at hindi pa ito nagbabalik simula noon.

 

Matatandaang noong December 2011 ay kinasuhan ni Rhian through her lawyer, Atty. Lorna Kapunan, si DJ Mo ng paglabag diumano sa Republic Act 9262 o ang Anti-Violence Against Women and Their Children Act of 2004. 

 

Kaugnay nito ay humingi si Rhian ng Temporary Protection Order para pigilan si DJ MO na maglabas pa ng mga tinatayang mapanirang pahayag laban kay Rhian.

 

Nangangahulugan ba itong hindi na puwedeng umuwi dito si Mo at hindi na siya puwedeng lumapit kay Rhian?

 

“I suppose he can but... I don’t know.

 

“For as long as he’s not in my vicinity,” na ang tinutukoy niya ay ang protection order.

 

Masaya ba siya sa naging desisyon?

 

“Yes, absolutely. I’m very happy. I feel better, I feel protected, I feel safe.

 

“I feel like my family is also, you know, as long as I keep them at a safe distance...We’re all happy now,” saad niya.

 

Nasa happy mood si Rhian sa pagsagot ng mga tanong tungkol sa kaso niya kay Mo pero nakiusap din siyang huwag nang masyadong pag-usapan ito dahil tapos na at nakuha na niya ang kanyang gusto.

 

Napatawad na ba niya si Mo?

 

“For me, its so far from my past that I’ve forgotten already.

 

“I’m in a real good place. I mean, hello? This like you’re asking this four years already down the line.

 

“Yes, I feel like I’m pretty old for this.”

 

Sabi naman ng kanyang PR girl na si Lana Johnson, baka raw mag-react na naman ang side ni Mo kaya sapat nang kinatigan ng korte ang kaso nito laban sa radio personality.

 

Napatawad na rin ba ni Rhian ang mga taong nakasakit sa damdamin niya?

 

“I really have no hard feelings about anything in life. It’s not my style.

 

“I guess I’m a believer in God. God gives me only specific things that he believes will only better me.

 

“I’m not a bitter kind of person,” deklara pa niya. —PEP

 

For the full story, visit PEP.