Nagpaliwanag si Regine Velasquez-Alcasid kung bakit hindi siya gumagawa muli ng pelikula kahit ilang artista na ang nagkaroon ng movie comeback tulad ni Sharon Cuneta.
Ilang beses nang natatanong si Regine tungkol sa posibilidad na gumawa ng movie comeback pero laging walang katiyakan kung kailan ito mangyayari.
“Hindi kasi ako sure kung gusto ko pang mag-movie,” bungad na komento ni Regine.
“Kasi si Boss Vic, since last year pa, even before the recording contract happened and the concert happened he’s been trying to convince me to go back doing movies. E, ang interest ko sa recording, sa concerts.
“Sabi niya, hindi, sa movies. Ha? Parang naweirduhan ako. Di ba, dapat sa ano? Kasi para sa kanya parang automatic na yun. Kinu-convince niya ako to do movies again this year. And he wants to meet with me nga para we can talk about it.
“Pero, I don’t know. Hindi ko nga alam…hindi pa nga ako nagawa ng pelikula so, I don’t know how the people will receive it, you know.”
Nakapanayam ng PEP.ph (Philippine Entertainment Portal) si Regine sa presscon ng upcoming concert nila nina Martin Nievera, Ogie Alcasid, at Erik Santos ngayong February 10 sa MOA Arena na pinamagatang #Pa-MORE. Ginawa ang launch sa Seda Hotel Vertis North noong Lunes, January 8.
Hindi rin makapagbigay ng komento si Regine kung sino sa mga naging leading man niya sa mga nakaraan niyang pelikula ang gusto niyang makasama uli sa comeback.
Sabi niya, “Wala pa naman, it’s all hanging, pinaguusapan pa naman. Hindi ko pa rin sure kung [gusto ko]. Kasi yung soap [teleserye]...soap yun, e. Parang it’s different, it’s free. Saka yun naka-kontrata ako at kailangan kong gawin.
Nabanggit din ni Regine na nagandahan siya sa Metro Manila Film Fest 2017 entry na may halong musical na, "Ang Larawan."
“I was actually very impressed and si Joanna [Ampil, lead star ng movie] was really, really good. I was very, very impressed.”
Nang tanungin kung kaya ba niyang gawin ang ganitong tema ng pelikula, diretsahan niyang sinabi na hindi niya ito kaya.-- For the full story, visit PEP.ph
