Mich Liggayu says she remains single

Walang kakurap-kurap ang mata ni Mich Liggayu nang itanggi nitong nagkaroon siya ng karelasyon nang pumanaw noong March 4, 2015 ang kanyang fiancé na si Jam Sebastian.

Sumikat sa YouTube ang JaMich loveteam ng dalawa noong 2011 at sinubaybayan ng publiko ang kanilang love story.

Humantong ito sa malungkot na pagwawakas nang sumakabilang-buhay si Jam dahil sa Stage 4 lung cancer.

“Career muna” ang brilliant excuse ni Mich kaya hindi pa siya nakikipagrelasyon mula nang mawala si Jam.

Hanggang ngayon, araw-araw pa rin daw niyang iniisip at inaalaala ang mga maliligayang araw nila ng namatay na boyfriend, na madalas umanong nagpaparamdam sa kanya.

Saad ni Mich, “Nagre-reminisce pa rin ako. Binibisita ko ang Facebook niya.

"Lately po, nag-post ako sa social media.

"Dati po, umiiwas ako na mag-post, kasi bawat post ko noon, nagiging isyu.

"Ngayon po, ilang taon na ang nakalipas, baka puwede ko nang i-express yung mga dapat kong i-express.

"Kasi dati, sinasabi nila, ginagamit ko… ganyan.

"Siyempre, ilang taon kami nung tao. Parang mag-asawa na rin talaga kami.

"Seven years kaming magkarelasyon, 'tapos ngayong May 10, ten years na dapat kami."

Dumanas daw ng depression si Mich nang bawian ng buhay si Jam.

Nag-propose noon si Mich ng kasal kay Jam, pero hindi natuloy ang pagpapakasal nila dahil ang respective career ang kanilang priority noon.

Minsan, naiisip ni Mich na nagkaroon sana sila ng anak na makapagpapasaya sa kanya sa tuwing nami-miss niya si Jam.

Nakausap ng PEP.ph (Philippine Entertainment Portal) si Mich sa premiere ng pelikulang My 2 Mommies, sa SM Megamall, Lunes ng gabi, May 7. —PEP

For the full story, visit PEP.