RBS depositors wa tuguti nga maka-withdraw

CEBU CITY, Philippines - Wa maka-withddraw sa ilang kwarta ang mga depositor sa Rural Bank of Subangdaku (RBS) bisan sayong buntag pa niadtong Biyernes sila niadto sa Bangko. Way ni usa ka kliyente ang naka withdraw sa ilang salapi ug way bisan unsang transaksyon nga nahitabo. Gipa-fill out ra ang mga kliyente og withdrawal slip uban sa paghatag sa ilang mga contact number. Matod sa mga kawani sa Bangko, ang RBS na maoy manawag kun anus-a na sila maka-withdraw sa ilang deposito. Nagpabilin gihapon ang kabalaka sa mga depositors bisan pa man sa pagpasabot sa management sa bangko. Gani kasagaran kanila gusto na nga i-close ang ilang account ug mobalhin nalang og laing bangko. Hinoon, subling nangayo og pagsabot ang management, uban sa pasalig nga mabalik ra sa normal ang opersyon sa bangko sunod semana ug dili kini modeklarar og bank holiday. Lakip sa midawat og transaction ang RBS branches sa Lapu-Lapu ug Talisay city. Ang sangang buhatan sa maong bangko didto sa Dumaguete city temporaryong nanira. - Balitang Bisdak