Hotels, ubang negosyo mikita sa Kadayawan Festival

Halos tanang mga hotel sa Davao City fully-booked atol sa pagpatigayon sa ika-24 nga kasaulugan sa Kadayawan Festival gikan niadtong petsa-17 hangtud 22 sa Agusto. Gikaingong dako usab ang kita sa ubang mga negosyo sa dakbayan sa Davao tungod sa kadaghan sa mga bisitang midagsa, domestic ug international tourists. Sumala sa city tourism office, nagpamatuod kini nga nabaniog na gayud sa tibuok kalibutan kung unsa ka sadya ang Kadawayan Festival. Nanghinaut ang city tourism office nga sa sunod tuig, ipatika usab ang suporta sa mga pribadong kompaniya ug indibidwal sa Kadayawan Festival. - Testigo