Alerto sa bulkang Taal itinaas sa ikalawang antas

MANILA – Itinaas sa Level 2 nitong Martes ng Philippine Institute of Volcanology and Seismology (Phivolcs) ang alerto sa Taal Volcano na makikita sa lalawigan ng Batangas. Ang pagtaas sa alerto ay ginawa ng Phivolcs bunga umano ng mga naitalang "anomalous changes" sa aktibidad ng bulkan. Sa panayam sa telepono ng GMANews.TV, sinabi ni Phivolcs director Renato Solidum Jr., na nagkaroon ng pagbabago sa mga naitatalang paglindol sa bulkan. "This morning, we detected 32 volcanic earthquakes. The normal number is zero to five. The temperature of the [Taal Lake] has also increased," paliwanag ni Solidum.

See the complete table on the Phivolcs website.

Kaagad namang pinawi ni Solidum ang anumang pangamba ng publiko na posibleng sumabog ang bulkan dahil sa pagtaas sa alert level nito. "There is only a magma intrusion in Alert Level 2. When we raise it to Level 3, an eruption is imminent within weeks; for Level 4, within days," paliwanag niya. Batay sa inilabas na babala ng Phivolcs, pinaalalahanan nito ang publiko na huwag magpunta sa bunganga ng bulkan dahil sa inilalabas nitong singaw na may masamang epekto sa kalusugan ng tao. “The whole volcano island is considered a permanent danger zone, while portions of the Daang Kastila trail are areas with hot grounds and steam emissions," ayon sa Phivolcs. — GMANews.TV