Ms Gloria Romero on her showbiz career: ‘In three years I’ll be 80, hopefully kaya ko pa’

Mahigit 60 years na sa showbiz industry ang isa sa mga pinaka-nirerespetong aktres sa bansa na si Ms Gloria Romero. Ngayon aktibo pa rin siya sa telebisyon, ituloy kaya niya ang nauna niyang plano sa takdang taon ng kanyang pagreretiro? Sa ngayon, dalawa ang proyektong ginagawa ni Ms Gloria sa Kapuso Network – ang sitcom na Andres de Saya with Cesar Montano and Iza Calzado; at ang drama series na Munting Heredera. Sa mga soap na nagawa niya, sinabi ni Ms Gloria kay showbiz reporter Lhar Santiago na isa ang Munting Heredera sa mga pinakamagandang ginawa niya.
For the latest Philippine news stories and videos, visit GMANews.TV “Sa dami ng soap na nagawa ko, palagay ko this is one of the best na nagawa ko. And everytime na bibigyan kami ng script for the next week, I really… tinatapos ko (basahin) the whole night kahit puyat ako. (Be)cause I want to know what’s going to happen," pahayag ng batikang aktres sa Chika Minute ng GMA news 24 Oras nitong Martes. Noong una ay nagtakda si Ms Gloria na magreretiro na siya pagsapit niya sa edad na 80. Pero tila hindi pa rin siya sigurado dahil magaganda ang nakukuha niyang mga proyekto at dahil na rin pagmamahala niya sa sining. “Everybody knows siguro na I’m 77-years old at hindi ko idinideny ang aking edad. In three years I’ll be 80, so hopefully kaya ko pa," ayon kay Ms Gloria. – FRJ, GMA News