32 ang nagkasakit ug Leptospirosis sa Davao City

Sa ulahing monitoring sa Davao City Health Office, miabot na sa 32 ang nagkasakit ug leptospirosis sa Davao City human nahitabo ang pagbaha niadtong Hunyo 29. Sa maong ihap, 3 na ang namatay, pulos mga lalake ug nagpuyo sa Matina Pangi, usa sa mga barangay nga labihang nabahaan. “Sa Clinica Anda we had one admission, Brokenshire we had 4 admissions, but we had one death at Brokenshire, so we have a total of 32 cases in July, early July, 3 deaths already", matud ni Dr. Josephine Villafuerte, ang head sa Davao City Health Office. Kadaghanan sa mga biktima sa leptospirosis gikan sa mga barangay nga nabahaan sama sa Matina Pangi, NHA Bangkal, Matina Aplaya, Matina Crossing ug Barangay Maa. Kaso sa leptospirosis sa Davao City: Matina Pangi - 16 NHA Bangkal - 3 Matina Aplaya - 3 Matina Crossing - 4 Barangay Maa - 1 (Source: City Health Office) “Mapapasukan ng leptospirana basilia through the wound, kasi ito galling sa ihi na infected na daga, so most probably nakatapak kasi papasok siya sa still at mucusa", pagpaklaro ni Dr. Villafuerte. Natultulan sa GMA News ang usa sa mga biktima sa leptospirosis nga namatay na niadtong Hulyo 16. Nailhan ang biktima nga si Joseph Amoroto. Matud sa inahan niini nga si Lilia Amoroto nga gikalintura si Joseph niadtong Hulyo 15 ug maglisud ug ihi. Pagka Sabado, gidala kini sa hospital apan pagkagabii nianang adlawa, namatay kini. Matud sa inahan niini, nakainom kuno ug tubig baha ang iyang anak niadtong Hunyo 29. “Giinjectionan dayon siya ug gidextrose, paspas kayo ang dextrose kay nakabalo naman sila nga ana ang (sakit) mao to gi-Xray dayon siya ug nahibal-an nga naay leptospiros kinahanglan daw dayon idialysis", saysay sa inahan sa biktima. Samtang sa karon padayon ang pagpanubay sa City Health sa lugar nga gibahaan aron mamonitor ang mga apektadong residente nga dunay simtomas sa leptospirosis. “Binigyan naming sila ng prophylaxi, binigyan naming sila ng antibiotics for the wound", matud ni Villafuerte.