6 ka police sa Davao City, positibo sa drug test

Gipanganlan na sa Police Regional Office XI (PRO) ang unom ka sakop niini nga nagpositibo sa random drug test sa Philippine Drug Enforcement Agency. Kini sila SPO1 Raymundo Alvarez sa Buhangin Police, SPO1 Ferdinand Bernadas sa Paquibato Police, SPO1 Juanito Tanudtanod sa Davao City Public Safety Batallion, PO3 Rodel Asupan sa Sta. Ana Police, PO2 Zaldy Rom sa Sasa Police ug PO1 Armando Vete sa Marilog Police. Mag atubang sila karon ug kasong grave misconduct samtang padayon gihapong gisubay kung duna bay ‘criminal liabilties’ ang mga nahisgutang police. “Once nga naay ebidensya nato para sa criminal liability then we are also obliged to file for violation of Republic Act 9165 o sa Comprehensive Dangerous Drugs Act specifically doon sa section 15, using of prohibited drugs", matud ni Police Supt. Jose Carumba, ang hepe sa Regional Public Information Office sa Police Regional Office XI. Ang unom, restricted una karon sa kampo sa PRO-XI samtang gibakwian na sab sila ug mga armas. Gidid-an na sab sila nga mupagula ug pahayag labot sa maong isyu. - MPG, GMA Davao