Mga lumad sa Talaingod Davao del Norte, tagaan ug balay

Mismong si Atty. Wendel Avisado, Deputy Secretary General sa Housing Urban Development Coordinating Council ang nanguna sa pagsuta sa luna aron masugdan ang housing project alang sa mga lumad sa Sitio Paiton, Barangay Dagohoy, Talaingod, Davao del Norte. Ang nahisgutang proyekto ilawom sa National Housing Authority diin usa kini sa ilang mga adbokasiya aron matagaan ug saktong pabalay ang mga informal settlers ug ang mga lumad. Matud pa, una kining iimplementa sa maong lugar sanglit sila ang nakaunang nakapasa ug proposal. Ang desinyo sa maong balay susama sa istilo, kultura ug tradisyon sa Langilan Tribe sa Sitio Paiton. Onse ka miyembro sa nahisgutang tribu ang makabenepisyo sa maong proyekto nga dunay pundo nga 5 hangtud 10 milyones pesos. “Kani nga proposal tu-a na ni sa National Housing Authority, ang amo pag validate na lamang ug site visitation aron makita jud namo, aron pag meeting sa board sa NHA, madali na jud pag atiman", matud ni Avisado.