Mga kukuha ng passport na naperwisyo ni ‘Pedring,’ pinababalik ng DFA

MANILA – Nagtakda ang Department of Foreign Affairs-Office of Consular Affairs (DFA-OCA) ng bagong araw para sa mga kukuha ng pasaporte na hindi natuloy dahil sa bagyong si “Pedring" nitong Martes. “In view of the continuing inclement weather brought about by heavy rains and strong winds, the DFA-OCA is suspending its passport and other consular operations today, September 27," nakasaad sa pahayag ng DFA. Ayon sa DFA, ang mga aplikante na hindi nakapagsumite ng kanilang passport application ay maaaring bumalik sa anumang araw (office day) hanggang Oktubre 7, mula 8:00 a.m hanggang 5:00 p.m. – GMA News