Triplets ginbun-ag sa Roxas City

By CHRIS YU, GMA News Iloilo

Published December 2, 2011 1:10pm

Nangin 13 tanan ang kabataan sang mag-asawa sa probinsiya sang Capiz sang nagbun-ag si Luzviminda Francisco sang tatlo ka mga lapsag. Suno kay Luzviminda, wala niya ginla-uman nga triplets ang iya igabun-ag kay wala man kuno ini nakapa-ultrasound kag nabal-an na lamang sini sang makita ang resulta sang X-ray. Ginbun-ag pinaagi sa Caesarian Section operation ang tatlo ka mga anghel nga sanday baby Mary Joy, Mary Chris kag Mary Jane sang nagligad nga Sabado sa Roxas Memorial Provincial Hospital. Magluwas sa triplets may pulo na ka mga kabataan ang mag-asawa. Pagpangisda ang palangabuhian sang amay sang triplets kag nagahingyo ini sang bulig para sa kinahanglanon sang ila Tres Marias. — RJS, GMA News Iloilo

Tags: triplets, iloilocity