GMA News Online
Ulat Filipino
»
Davao

13 patay sa van-truck collision sa Sarangani

December 2, 2011 4:54pm

Tags: Sarangani
SARANGANI PROVINCE — Tungod sa kakusog sa bangga, dead on the spot ang halos tanang 13 ka pasahero sa L300 van human mibangga sa nakaparadang truck kilid sa National Highway sa Sitio Bankerohan Barnagay Banate, Malungon, Sarangani Province, alas singko sa buntag, Disyembre 1.

Gawas sa trese nga namatay, samdan usab ang laing lima pa ka pasahero.

Ania ang mga pangalan sa mga namatay sa maong disgrasya base sa listahan ng Manlungon Police:
 
  1. Gilbert Constantino, 40,  (Driver sa Van)
  2. Ricky Magallanes, 32
  3. Arnold Cabrido, 48
  4. Liya Cabrido
  5. Renante Ilogsong, 42
  6. Annie Ilongsong, 42
  7. Jane Martinez, 32
  8. Arvie Martinez, 5
  9. Jelyn Magallanes, 10
  10. Alice Constantino, 11
  11. Rodulfo Asejo, 13
  12. 2 unidentified

Ang sakay sa maong van, gikan ug General Santos City ug padulong sa usa ka church gathering sa Victory Christian Center sa Davao City. Lima sa mga biktima, pastor sa maong simbahan.

“Mag ampo lang ko, wala man nako nakita iyang haya karon murag di nako makaya”, matud ni Lita Collamat, paryente sa usa ka biktima.

“Di jud ko kadawat ambot lang kaha sa kadugayon mag ampo lang kay ana man gyud tanang tao, kuhaon man jud ta sa Ginoo”, saysay ni Roel Collamat, paryente sa usa sa biktima.

Gireklamo usab sa pamilya sa biktima nga walay saktong early warning device ang nadaut nga truck busa wala kuno sila nabantayan.

“Ang Isuzu truck na primemover, nagubaan na siya mao na siya nakapahigad kay din a maplastar ug maayo” matud ni PO3 Johnkim Rasgo, Investigator sa Malungon Police Station.

Mag atubang karon ug kasong reckless imprudence resulting in multiple homicide and multiple injuries ang driver sa truck nga si Eulalio Rivera nga anaa karon sa prisohan sa Malungon Police Station.

Gisaad na kuno sa amo sa truck driver nga mutabang sa mga biktima sa disgrasya.

“Dili na man gud mapadaplin ang truck ug naa man gibutang nga kahoy sa unahan”, pagpaklaro sa driver sa truck.

Samtang matud ni Pastor Francisco Buenaventura sa Victory Chapel Christian Center nga dihang nakahibalo sila sa disgrasya, wala na nila gidayon ang thanksgiving ug ubang kalingawan, sanglit nagpahinungod na lang sila ug pag-ampo sa mga biktima.

“We are mourning right now, kasi malaking kawalan sa amin yun instantly five pastors with their wives and two kids died. So sa ngayon we have to move on kaya itutuloy pa rin naming tong meeting but ang hinihiling ko talaga is prayes sapagkat meron pang limang pasyente na nasa hospital ngayon”, matud ni Buenaventura.

Ang mga patayng lawas sa mga biktima, gipang haya na sa General Santos City samtang ang mga samdan, padayong nagpatambal sa hospital sa Digos ug Davao City. — Marlon Palma Gil, GMA News Davao

Tags: Sarangani



We welcome healthy discussions and friendly debate! Please click Flag to alert us of a comment that may be abusive or threatening. Read our full comment policy here.
Comments Powered by Disqus