Drug pusher sa Cebu City nasikop sa buy-bust operation

Usa ka medium-pack ug 28 ka small sachets nga mokantidad sa P13,000 kauban sa drug paraphernalia ug marked money nga nakuha gikan ni Jerry Rosal, 31 anyos. Giingong duha ka semana nga gimanmanan sa mga operatiba sa Regional Anti-Illegal Drugs Special Operations Task Force (RAIDSOT-7) si Rosal una gipahigayon ang buy-bust operation kaadlawon sa Enero 5 sa barangay Camputhaw ning dakbayan. “Diri sa Camputhaw ilado ni siya nga drug pusher. Na-receive namo nga information mga 2 weeks ni-conduct mi ug case build up until niabot mi sa buy-bust operation,” saysay ni S/Insp. Henrex Bancoleta, Team Leader sa RAIDSOT 7 sa dihang nahinabi sa GMA News. Wala mohatag ug reaksyon ang suspect sa dihang kuhaan unta ug habig sa GMA news team. — Monching Auxtero /GMA Cebu