Premyo umabot sa P258-M: Resulta ng Grand Lotto 6/55 draw nitong Sabado

Wala pa ring masuwerteng tumama sa isinagawang draw sa Grand Lotto 6/55 ng Philippine Charity Sweepstakes Office (PCSO) nitong Sabado, Pebrero 11. Sa live draw na ipinalabas sa government TV station PTV-4 nitong Sabado ng gabi, ang winning combination sa 6/55 Grand lotto ay: 46-02-33-17-19-09. Ang jackpot prize sa Grand lotto ay umabot na sa P258.398 milyon. Wala rin tumama sa kasabay na 6/42 draw na may jackpot prize na mahigit P7.106 milyon. Ang winning combination ay: 38-01-23-25-06-17. Sa Lunes ang susunod na draw sa 6/55 Grand lotto. – FRJ, GMA News