GMA News Online
Ulat Filipino
»
Cebu

Mga pag-uwan sa Cebu miresulta sa pagbaha, landslide

February 15, 2012 8:05am

Tags: Cebu City
Lunes sa alas otso sa gabii nibunok ang kusog nga uwan sa Cebu nga nisangpot ini sa pagbaha sa kadalanan sa syudad labi na gyud ang mga bahaunon nga lugar sama na lamang sa barangay Lahug nga dali ra nga gisanapan sa tubig.

Midako usab dayon ang tubig sad an A.S. Fortuna sa syudad sa Mandaue.

Tungod sa uwan ug baha, daghang mga sakyanan ang wala na mo-andar.

“Agian man ko sa dakong truck nga pwerting kusuga. Ning bawod man ug maayo. Basa siya sa ilawom. Di naman moandar kay murag basa tingali ang spark plug ani,” saysay ni Narciso Tagud kansang puwang mini-van nitiurok.

“Kadtong taxi nga gisakyan nako, di na unta siya modayun ug labang. Kuan taas na kaayo ang tubig unya akong gipugos niya ug kaya niya nituloy-tuloy siya ug labang hangtud nga pag-abot diri, nitirik. Nalooy intawon ko, nakonsensya kay ako ra bay nagpugos,” matud usab ni Edgar Torralba nga pasahero sa taxi nga naapektuhan sa baha.

Adunay parte sa barangay Busay nga nakasinati ug landslide. May mga natumbang poste ug mga kahoy. Matud sa mga residente mga alas 10 sa gabii sa dihang nasinati ang pagdahili sa yuta.

“Among gipamutol ang mga kahoy unya sige’g dahili ang yuta. Ang among gibuhat paghuman namo’g putol nagpadaplin nalang mi. Among gikuan ang mga wire kay delikado man” matud usab ni Rabec Borres nga tanod sa barangay Busay. — Reyn Nikko Sereno /GMA Cebu

Tags: Cebu City



We welcome healthy discussions and friendly debate! Please click Flag to alert us of a comment that may be abusive or threatening. Read our full comment policy here.
Comments Powered by Disqus