Rights group, naghain ng ethics complaint vs Miriam, humihingi ng public apology

Naghain ng ethics complaint nitong Lunes ang isang human rights group laban kay Senator Miriam Defensor-Santiago. Kasabay nito, humiling sila ng public apology mula sa senador sa kanyang pagbatikos sa prosecution team sa impeachment trial ni Chief Justice Renato Corona.

 

Sa isang liham na ipinadala kay Senate ethics committee chairman Sen. Alan Peter Cayetano, ipinaliwanag ng grupong Born Free Coalition for Truth and Justice and Raphael Intelligence and Security Provider Inc. na kanilang inihain ang reklamo laban kay Santiago sapagkat lumagpas siya sa "bounds of propriety, good manners, and right conduct in her public tirade as senator judge against the prosecution panel."

 

"We are demanding to the honorable judge Miriam Defensor Santiago to issue a public apology for and in behalf of the Filipino people," inihayag ni Socorro Guatlo Jr., pinuno ng grupo, sa kanilang liham.

 

As of posting time, hindi pa nakapagbigay ng komento ang opisina ni Santiago ukol sa isyu.

 

Inihayag naman ni Senate President Juan Ponce Enrile na kanyang iiwan na lamang ang isyung ito sa Senate ethics committee.

 

"Bahala sila. Pero I cannot speak about the conduct of Sen. Santiago. She is attending the hearings to perform her duty but she is suffering from some ailments," aniya.

 

Ika-26 na araw

 

Itinampok ng grupo, na nagpakilala bilang isang human rights group, ang ika-26 na araw ng paglilitis kung saan tinawag ni Santiago ang mga prosecutor na "gago."

 

"The word in her statement against the proseuction is an insult to the member[s] of the [prosecution panel] and indignation to the millions of Filipino[s] who are currently listening and watching the impeachment trial," aniya.

 

Dagdag nito, inihayag ng grupo na "indirect insult" umano sa Integrated Bar of the Philippines ang kanyang naging akusasyon sapagkat karamihan sa mga prosecutor ay abugado at miyembro ng House of Representatives.

 

"The honorable office of the Senate committee on ethics is required to act [in order not set a] bad preceden[t] to...any member of the Senate...otherwise this office [may no longer enjoy the public's trust]," kanilang inihayag. — Amanda Fernandez/RSJ, GMA News