OIC, pinayagang maging observer sa PHL-MILF peace talks sa Abril

Dadalo bilang observer ang Organization of Islamic Cooperation sa peace talks sa darating na Abril sa pagitan ng pamahalaan ng Pilipinas at ng Moro Islamic Liberation Front. Sa isang joint statement na inihain nitong Marso 21, inihayag nina Marvin Leonen, pinuno ng government panel; at Mohagher, pinuno ng MILF panel, na kanilang inaprubahan ang "request of the Office of the Secretary-General of the OIC to sit as observer in the Government of the Philippines (GPH)-MILF peace talks.” Ilang substantive issues ang napag-usapan ng dalawang panig, kabilang sa mga ito ang power sharing sa pamumuno at pati na rin ang wealth sharing. Pumirma na rin sila ng terms of reference para ka nilang consultants na magiging bahagi sa kanilang sariling delegasyon. Sa kanilang joint statement, inihayag ng dalawang panel ang kanilang pagpapasalamat kay Pangulong Benigno Aquino III sa kanyang lubos na pagsuporta para sa ikatutupad ng lasting peace" sa Mindanao. Pinasalamatan din nila si Malaysian Prime Minister Dato’ Sri Mohd Najib Bin Tun Haji Abdul Razak sa kanyang patuloy pagsuporta sa "facilitation" ng GPH-MILF peace talks. Nais din nilang pasalamatan ang kabutihang ipinamalas ng mga miyembro ng International Contact Group na kinabibilangan ng Japan, Kingdom of Saudi Aradia, Turkey, United Kingdom, Centre for Humanitarian Dialogue, Conciliation Resources, Muhammadiyah, at The Asia Foundation. — Amanda Fernandez /LBG, GMA News