Anim na buwan nang nagbubuntis ang Kapuso host na si Pia Guanio at excited na raw ito na makita ang kanyang baby, lalo pa at hindi pa nila alam na mag-asawa ang kasarian ng kanilang anak.

 

Ayon sa ulat ng Philippine Entertainment Portal nitong Lunes, nais naman ni Pia na maging lalaki ang kanilang magiging anak dahil puro na raw babae ang mga anak ng kanyang kuya.

 

Wika pa ng aktres, “Because my brother has a family of girls already, I’m kind of wishing that it’s a boy.”

 

"But I’ll be okay with whatever God gives me—as long as normal and healthy,” dagdag pa ng Kapuso host.

 

Ayon pa rin sa ulat ng PEP.ph, hindi raw 'cooperative' ang baby ni Pia at ito ang sinasabi nilang dahilan kung bakit hindi pa nila alam ang kasarian ng kanilang anak.

 

Ayon pa sa aktres, “On my last check-up, we had an ultrasound, but the baby’s not been cooperative.”

 

Dagdag pa nito, "Very ano siya, timid or shy.”

 

Gayunpaman, hindi naman raw siya nahihirapan sa pagbubuntis, bagkus ay tuluy-tuloy pa rin siya sa pagtatrabaho at hindi pa nito kailangan magleave.

 

Ayon pa sa kanya, "I haven’t really experienced the nightmares that most expectant moms do, so I’m really thankful for that.”

 

Dagdag pa nito: “Nothing, zero complications, so I think I’m definitely getting a thumbs up and full support from the Guy upstairs for this pregnancy because it’s running really smoothly.”

 

Depende naman raw sa comfort level nito ang pagkuha ni Pia ng leave.

 

Ayon pa sa kanya, “Don’t know yet, kasi it really all depends on my comfort level.”

 

"If by next month, I’m not very comfortable about it, of course I’m gonna take a leave na.

 

"Of course, it all depends on how I feel moment to moment.”

 

Sa ngayon, nag-eenjoy si Pia Guanio sa kanyang trabaho sa tatlong TV shows sa GMA.

 

Ayon pa sa Kapuso host, hindi raw siya naii-stress sa kanyang trabaho, bagkus nae-excite pa raw ito lalo na kapag mayroong breaking news o hot topics.

 

Aniya, "So everytime there is a breaking story, or everytime there is a sudden interview from a hot topic, that always excites me, and it always makes me thankful that I have this job.

 

“I love the spontaneity of it, and the whole unfolding of something.

 

"I also love it when you get to see a different angle, or a different perspective of someone you’re interviewing.” — Mac Macapendeg/RSJ, GMA News