Kapuso stars, dadalo sa network launch ng GMA regional station sa Ilocos

Patuloy ang pagpapalawak sa nationwide coverage ng GMA Network. Sa Sabado (June 9), ilulunsad ang originating station nito sa Ilocos na sasabayan ng selebrasyon ng Kapuso Day! sa Laoag. Kabilang sa mga Kapuso stars na makikisaya sa Kapuso Day! ang mga bida sa afternoon prime drama na Kasalanan Bang Ibigin Ka? na sina Geoff Eigenmann, Jackie Rice, at Jennica Garcia. Idagdag pa sina Mark Herras (Hiram Na Puso); Rochelle Pangilinan (Broken Vow); Kyla at La Diva (Party Pilipinas); Krizza Neri (Protégé Season 1’s Grand Champion); Lovely Embuscado, Lirah Bermudez, Nomer Limatog Jr., Jensen Teñoso, at Denise Barbacena (Protégé title contenders). Asahan din ang mga cast upcoming afternoon prime program ng GMA na Faithfully na kinabibilangan nina Michelle Madrigal, Mike Tan, Will Devaugn, at Victor Aliwalas. Magsisilbing host sa Kapuso Day! ang Sole Survivor na si Betong Sumaya ng Survivor Philippines Celebrity Doubles Showdown, at GMA Regional TV personality and beauty queen na si Ana Maris Igpit. Magsisimula ang Kapuso Day! Sa ganap na 8:00 a.m. sa Ilocos Norte Capitol Stage sa Laoag City. Susundan ito ng auditions para sa Protégé: The Battle for the Big Artista Break pagsapit ng 9:00 am hanggang 12:00 nn. Magtatapos ang selebrasyon sa pamamagitan ng Kapuso Night! na puno ng palaro para sa mga audience at live performances ng mga Kapuso star. “The Network has prepared long and hard for its originating station in Ilocos, so it is just fitting that we kick off its launch with a loud bang together with our Kapusong Ilokanos. We are certain that they will enjoy the Kapuso Day with everything that’s in store for them, and we hope that this would mark the start of us being closer to their hearts," ayon kay Oliver Amoroso, assistant vice president for sales and marketing ng GMA Regional TV. Ang highlights ng Kapuso Day in Ilocos ay mapapanood sa Let’s Fiesta TV Special sa July 1 sa GMA regional stations sa Cebu, Davao, Iloilo, Dagupan, Ilocos, CDO, GenSan, Naga, at Bacolod. -- FRJimenez, GMA News