Na-extend ang panahon ng pagsusumite ng mga nominasyon para sa magiging kapalit ni dating Chief Justice Renato Corona, inihayag ng Judicial Bar Council of the Philippines (JBC) nitong Lunes.

 

Maaaring magpasa ng nominasyon hanggang Hulyo 2 para sa ikalimang pinakamataas na posisyon sa Pilipinas.

 

Sa isang text message sa GMA News Online, kinumpirma ni JBC member Jose Mejia na pinahaba ng dalawa pang linggo ang nomination period. Ang orihinal na deadline ng pagsusumite ng mga nominasyon ay nitong June 18.

 

Ayon pa rin kay Mejia, nakatanggap na ng 32 nominasyon ang council para sa posisyon. Ang mga ito ay:

 

1. Justice Secretary Leila de Lima

2. Internal Revenue chief Kim Henares

3. Former University of the Philippines Law dean Raul Pangalangan

4. Former Ateneo dean Cesar Villanueva

5. Solicitor General Francis Jardeleza

6. Women’s rights lawyer Katrina Legarda

7. SC Associate Justice Roberto Abad 

8. SC Associate Justice Jose Perez

9. SC Associate Justice Ma. Lourdes Sereno

10. Elections Commissioner Rene Sarmiento

11. Government Peace Panel chair Marvic Leonen 

12. University of the East Law dean Amado Valdez

13. Former Solicitor General Francisco "Frank" Chavez 

14. Former Makati Rep. Teodoro "Teddy Boy" Locsin

15. Retired judge Manuel Siyangco Jr 

16. UP lawyer Rafael Morales

17. Lawyer and Ormoc City Vice Mayor Nepomuceno Aparis

18. Lawyer Marianito Sasondoncillo

19. Former Energy Secretary Raphael 'Popo' Lotilla

20. President of the Integrated Bar of the Phiippines Roan Libarios,

21. Lawyer Pedro Aquino

22. Former Supreme Court nominee Rodolfo Robles

 

Ayon sa tradisyon, sa oras na mabakante ang posisyon ng punong mahistrado, makatatanggap ng "automatic nomination" ang limang pinakasenyor na Supreme Court justices.

 

Sa ngayon, ang mga pinakasenyor na SC justices ay sina: acting Chief Justice Antonio Carpio, Associate Justices Prebitero Velasco Jr, Teresita Leonardo-de Castro, Arturo Brion, at Diosdado Peralta. Upang pormal na makasama sa mga nominado, kinakailangan muna nilang tanggapin ang kanilang endorsements.

 

Sa 32 nominado, dalawang indibidwal ang hindi pinayagang tumakbo. Hindi abugado si Teacher-nurse Jocelyn Esquivel. 80 taong gulang naman si dating Court of Appeals Justice Hilarion Aquino, na lumagpas na sa retirement age na 70 para sa mga mahistrado.

 

Nabakante ang posisyon ni dating punong mahistrado Renato Corona matapos ang kanyang impeachment noong Mayo 29.

 

Nahatulan siyang guilty ng Senate impeachment court dahil sa hindi niya pagdeklara ng assets niya sa kanyang statement of assets, liability at net worth. — Amanda Fernandez/RSJ, GMA News