Mga aksidenteng dulot ng tag-ulan tampok sa 'Rescue'

RESCUE Guho Airing Date:  July 05, 2012 Sa kasagsagan ng pagbuhos ng ulan nitong Martes ng umaga, bumigay ang sementong sumusuporta sa tulay sa General T. De Leon sa Valenzuela City.  Dalawang bahay ang nadaganan sa pagguho, kabilang ang mga nakatira dito.  Dahil sa nangyari, nagsagawa ng retrieval operations ang mga rescue team.  Agad na narekober ang katawan ng isang batang nasawi sa trahedya.  Pahirapan naman ang retrieval operation sa isang nawawalang lalaking nabaon ng halos labindalawang oras.  Kinailangang gumamit ng jackhammer at backhoe dahil sa kapal ng batong tumabon sa bahay. Dagdag pahirap pa ang pag-ulan na nagpadulas sa batong tinatapakan ng mga rescuers. Ngayong panahon na naman ng tag-ulan alamin ang mga dapat tandaan para maiwasan ang kapahamakan. Huwag palampasin ang “Guho” sa RESCUE kasama si Arnold Clavio, ngayong Huwebes, pagkatapos ng Saksi! _{Sundan ang "Rescue" sa Twitter at Facebook!}