Mas mabuti na umano ang lagay ng bagong silang na sanggol na natagpuan sa isang basurahan sa Cebu City nitong Huwebes.

Batay sa mga duktor na tumitingin sa sanggol, hindi na raw ninilaw ang kulay ng balat nito, ayon sa ulat ng Balita Pilipinas Ngayon ng GMA News TV.



Upang mapalakas ang resistensiya ng bata, pinapasuso rin siya sa ibang ina.

Kapag naging stable na ang kondisyon ng sanggol, ililipat ang pangangalaga ng paslit sa Department of Social Welfare and Development (DSWD-Region 7). -- FRJ, GMA News