Handa umanong magbigay ng tulong ang Armed Forces of the Philippines sa Philippine National Police sa pagbibigay ng seguridad sa State of the Nation Address ni Pangulong Benigno Aquino ngayong Lunes.

 

Nitong Linggo ng tanghali, nakaabang at nakaalerto na ang pitong Armed Forces Civil Disturbance Management companies sa Camp Aguinaldo, na nakahandang tumulong kung hilingin ng PNP, ayon kay AFP spokesman Col. Arnulfo Marcelo Burgos.

 

“They are coming from the Army, Air Force, Navy and GHQ (general headquarters), numbering around 500," ani Burgos.

 

Ang PNP ay ang primary security agency na nakatalagang bantayan ang seguridad sa SONA ng Pangulo. Pinamumunuan ng Standing Joint Task Force National Capital Region, na pumalit sa NCR Command, ang militar na nakatalaga.

 

Ayon sa Armed Forces, umaasa itong magiging payapa ang taunang SONA na magaganap sa Batasan complex sa Quezon City.

 

“So far, we have not received any threat report. However, we are continuing with our monitoring and surveillance in coordination with the Philippine National Police and other security agencies,” aniya.

 

Samantala, inihayag na rin ni National Disaster Risk Reduction and Management Council executive director and concurrent Office of Civil Defense administrator Benito Ramos na handa na ang kanilang ahensya sa kahit anong kalamidad na maaaring maganap sa raw ng SONA.

 

“This is a high-density population [gathering], there might be rallies and violence may arise, disaster waiting to happen. Whether we like it or not, we are going to be involved. We are going to be on red alert until the President’s speech is over,” ani Ramos.

 

Dagdag ni Ramos, kasalakuyang sumasailalim sa "strict instruction" ang PNP laban sa paggamit o pagdadala ng mga firearm. Maaari lamang sila magdala ng mga baton upang ipanglaban sa mga  nagkakagulong mga nagproprotesta. — Mandy Fernandez/DVM, GMA News